Friday, October 5, 2007

الدنيا سكرانة من امبارح في باب الخلق
وانا قاعد في خمارة في باب الخلق
ومستني
خلاص الروح في قلب ازازة الطافية
انا مش ورق
ولاطيف برق
ولاحلم خربش في السحاب
نزل مطر
انسان انا
وبرغم كل الامكنة والمعطيات
مضطر احبك من سكات
زي الوطن

استيقظت علي غير عاداتي اعبث في اغراضي القديمة اثقب الذاكراة بمفتاح خشبي قديم ورثته عن امي رحمها الله التي ورثته تباعا عن امها رحمها الله ايضا ......هنا توقفت وانا ادير المفتاح في ثقب ذاكرتي الصديء وانا لادرى شيئا لماذا؟ قررت اليوم وعلي غير العادة ان ادخل الي هذا العالم الي ذاكرتي المثقوبة لماذا؟ كل هذا العذاب وستري نفسك في النهاية ملقي علي محفة جافة خالية من اي رحمة وحولك السواد الدامس ولاتقدر علي استنشاق الهواء في شتي بقاع المكان ربما ستعبر بك الرطوبة الي بعيدا لترمي بك في رحم الارض ولن تصبح كما تتمني مجرد بذرة جافة تعلو مع الوقت بفروعها الي سماء المنتهي ستصبح جيفة نتنة وسيقولون عنك يوما جاء ليفتح ذاكرته فاخطيء وفتح قلبه ولذا مات سريعا ودون ان يعرف ان الهواء البارد ونظرات الناس وهمسهم المتقطع كل هذه الاعراض اسقطته في عالم الموتي .............

Friday, July 13, 2007

وعشان ماتقلقوش عندما حاول شخص ان يضرب مبطوط باالسلاح الذكي كان مبطوط طبعا افكس منه فقام مديله واحدة جامدة في بيوضه فصاحبنا مسكهم وقاعد يصرخ وهو بيقوله
انا لسه واخد فياجرا يابن القحبة وحياة امي لاضلم ليلتك زي ماضلمت ليلتي وتنه يجري وراه لحد ما لاقي الواد مضغوط الزبال فقام طاقق في دماغه عادل امام في فيلم حب في الزنزانة وقام هب طاير في قلب الزبالة علي امل ان مبطوط هيجيب له علبة كلة وبكده اتكتب له عمر جديد قبل مايحليطوه

نظرا لحالة مبطوط الخطرة اليوم فهو لن يخبركم ماصنعه معه جهاز المحليطين بعد ان قفز من النافذة او امس ...

Tuesday, July 10, 2007

مبطوط في بلاد الحيلوط

:استيقظ مبطوط من نومه مبكرا كعادته علي صوت بائع الانابيب وهو يعزف كونشرتو gas f0r ever ................
وتمتم بكلمات مفهومة .................... طبعا ماهو الغاز ده لزوم النفخ
ودخل عليه ابوه كعادته الصبا حية وهو يلغ في ساندوتش الفول ابو زيت محروق ونفخ صدره وزعق له باالصوت الحياني وقاله :
انت هاتنك نايم كده يا بغل دا انت عامل ولا البت البيّرة ماتقوم تشوف شغل ولا خلاص انت متّكل علي الحماراللي آنيك .......ورد مبطوط باحترام ابوي شديد وصرخ صرخة مدوية :
شوفي لي شغلانة وانا اشتغل وايه يعني 6سنين وانا متّكل علي الحمار ما الوادملطوط ابن عم محطوط الجزمجى بقي له 10 سنين متّكل علي الحمار والحمار عمره ما رفسه
وتنا ثرت حبات الفول من السادونتش من هول الذهول وقرفص الاب على ركبتيه وراح يجمع حبات الفول ويلقفها فى فمه وهو ينظر لمبطوط بقرف
عاجبك كده اهي بكره تزوول من وشنا وما نلاقش النعمة دي هو انت غرمان حاجة ما انت لاقى اللى بيآكلك ويشربك وينايمك .......ماتجيش اشخخكك بالمرة
فرد مبطوط بقرف شديد وهو يشوح بيديه في الهواء..........ياريت علي الاقل ترحمني من ام قرفصة الحمام البلدي بتاعك وعموما انا قايم غاير من وشك
ورد الاب وبقايا ماء الفول تسيل علي فمه
رايح تصيع مع الخولات بتوعك بدل ماتروح تقعد علي القهوة شوف لك شغلانة زى الواد مظبوط ابن الاستاذ ممطوط .........مش ده برضه كان زميلك في الكلية
ورد مبطوط وهو يلبس بنطلونه الجينز اليتيم
آه........بس ده ابوه حلياط عبد المحلوط عضو في جمعية الحليطة وانت عارف بقي جمعية الحليطة دول بيعملوا ايه ؟؟؟؟؟؟؟؟؟؟؟؟؟؟؟؟
ردالاب بغباء عفوي :
بيعملوا ايه؟
بيحليطوا علي اي حد انت مش شايف الحليطة وصلتنا لفبن ؟
وقف الاب يفكر شوية وطلع سيجارة كليوباترافرط حقيرة من سيالة الجلابية وهرش في القرعة ووقف مبطوط يبص له بينما بانت علي الاب هالة سارترية وتحولت الي جان جاك روسية ولمع في عينيه الحل السحري الذي سوف يغير مصير آمة باكملها في شتى بقاع المعمورة واسكندرية -بولاق -السيدة -الويلى شبرا -السلام السلام السلام
وراح الاب يجز علي اسنانه ويلعب ملاكمة مع الحيطة وهو يصرخ شوية بشوية مرددا
هى دى ........هى دي.......لا...لا.ممكن ...طب وليه لآ ......يعنى هايقابل ربنا ...!!!!!!!!!!ووقف الاب وهو يهز الابن بعنف ممسكا بكتفيه وظهرت علي وجهه علامات النهاية وكآنه يترك وصيته الاخيرة
اسمع يامبطوط ياابني خلاص العمر عدى وراح........واللي انكتب علي الجبين لازم تشوفوه العين ....وبكره اوسخ من النهاردة .....وامبارح اوسخ من اول امبارح آحنا فى زمن......... يحمل فيه القرد الدمعة ...وتلعب فيه القطة الحجلة .......ويشرب فيه الكلب الخمرة
رد الابن متاثرا بينمابدا الاب يترنح في الهواء
ايه يابا هو احنا في جنينة حيوانات
انتفض الاب وصفع مبطوط صفعة عنيفة ادمت فمه وصرخ فيه
انت بتشمت الحيوانات ياابن الكلب .......الحيوانات دول اشرف من اللي جابتك ومن المخروطة اللى انت عايش فيها .......الحيوانات عندها عدل .....انت عندك عدل
(صمت)
الحيوانات عندها رحمة .......انت عندك رحمة
(صمت)
الحيوانات بتاكل لحمة انت بتاكل لحمة ......جتك القرف نسيتنى البوق اللي كنت هاقوله ........اسمع ياابني عشان المفروض اني هاموت بعد الجملة الجاية لان لو حد عرف بس ان فكرت في اللي هااقولهولك...هيحليطوني ......اخوانا بتوع جهاز المحليطين وانت عارف بقي يعني المواطن يتحليط وامشي عمري كله وانا عامل زي المطهر وطبعا ها احفظ كونشرتو (جاز فور ايفير ) لحد ما اتكرع مافيش غير حل واحد ولازم تسمع كلامي ولو مرة واحدة في حياتك .....................بص انت لازم تقابل حليوط وتقوله انك نفسك تشتغل قبل ماتموت
ماشى يامبطوط ياابني قولي آه.......عشان اموت وانا زقطوط
بس يابا دا حليوط .....
اخلص بقي انا با طلع في الروح خلليك شاب كوووووول كده واقول اوك داد
ماشي يابا
كده ممكن اقولك peace yaaaaaaaa men00......الله ...الوطن ....حليوط
وسقط الاب صريعا بينما راح مبطوط يصرخ
واااابتآه .....
وفجاة اتكآالاب علي مرفقيه
عايزايه؟ يابن الكلب ...قرفتني وانا عايش وها تقرفني وانا ميت ...هو الواحد مايعرفش يموت فى هدوء الله يخرب بيتك هاتبقي انت وبتاع الانابيب ربنا ياخدوك قادر ياكريم .......آه.....آه
في حاجة يابا
فاضل وحداة ياحمار عشان الثلاثية تكمل
آه.......قلبي انا مت
وصمت الاب صمتا آبديا ووقف مبطوطا شاردا يفكر في الوصية المستحلية اللي ابوه دبسه فيها ولكن سيطر عليه النازع الوطنى وهو يردد النشيد الثوري لولاية المخروطة
المتحليطين آهمة
في الفقر دي اول آمة
جيل بعد جيل متحليطين
ثم توقف فجآة وهو يخبط راسه في الحيطة وينتحب
ابويا مات .....ابويا مات .....
ثم توقف فجآة من غير ماحد يقوله
ايه ده .......بس ابويا نسي يديني عنوان حليوط
ولمعت في عينيه غريزة الرغبة والكبت الجنسى (آسف ....قصدي التحدي والارداة
وهو يقول بصوت عالى
لازم اقابل حليوطحتىلو هاموت في سبيل ..سبيل ...سبيل ..ايه ؟مش مهم سبيل ام هاشم
صوت كسر الباب بينما يدخل مشطوط الاخ الصغير لمبطوط مندفعا
الحق يامبطوط جهاز المحيلطين جي ياخدك
تظهر علامات الفزع علي وجه مبطوط ويقفز من النافذة
صوت صراخ مبطوط
آه..هههههههههههههههههههههههه
والي لقاء آخر في الحلقة القادمة مع مبطوط في زمن الحليوط
هامش :الدمعة نوع من انواع الموبايلات